Se abrió la Residencia de Mayores en San Clodio y entre los primeros usuarios se encuentran nuestros queridos vecinos Pepe y Obdulia.
REDACCIÓN | RIBAS DE SIL
A residencia de Ribas de Sil recibiu esta semana as primeiras persoas usuarias, polo que o Centro de Atención a Maiores (CAM) xa está en funcionamento. Polo momento son unha decena de residentes, pero existen un total de 29 prazas asistenciais.
Este centro, que crea 25 postos de traballo directos, púxose en marcha esta semana, “despois de que a Xunta de Galicia bloquease a apertura da residencia da institución provincial durante máis de dous meses”, sinalou o presidente en funcións da Deputación de Lugo, José Tomé.
Valorou o mandatario provincial na súa visita que moitas das persoas que entran estes días a vivir no centro veñen doutras residencias en Ourense ou no Barco de Valdeorras. E sinalou que “esa é a esencia do noso modelo. Un modelo do que estou orgulloso. Un modelo de pequenos centros no que o primeiro son as persoas. Un modelo que prima a proximidade, o arraigo e a atención”.
Tomé puxo o exemplo dun matrimonio de Torbeo, José e Obdulia, que tiveron que pasar separados a pandemia logo dunha vida xuntos. Ela tivo que trasladarse a un centro lonxe de aquí e el, debido ás restricións, non puido visitala. Hoxe volven estar xuntos neste centro de Ribas de Sil.
