BANDO del concello del pasado 27 de abril con recomendaciones importantes.-
O alcalde de Ribas de Sil:
FAI SABER
Coa chegada do bo tempo e ante a necesidade de garantir a seguridade pública, a prevención de incendios e a salubridade da nosa contorna, esta Alcaldia lembra a todos os veciños e veciñas a obriga legal de manter as parcelas e predios en adecuadas condicións de limpeza e ornato.
De conformidade co disposto na Lei 3/2007, do 9 de abril, de prevención e defensa contra os incendios forestais de Galicia, así como na restante normativa de aplicación, ESTABLECENSE AS SEGUINTES OBRIGAS:
Primeira. As persoas propietarias ou usufrutuarias de solares ou terreos situados en núcleo urbano, que linden con edificacións ou coa via pública, deberán mantelos debidamente rozados e completamente libres de lixo.
Segunda. As persoas propietarias de terreos lindeiros con camiños e estradas deberán podar as ramas das árbores que invadan ou sobrevoen os mesmos. Así mesmo, no núcleo urbano, os terreos deberán estar correctamente valados.
Terceira. Deberá procederse à adecuada xestión da biomasa vexetal nunha franxa de 50 metros arredor do solo urbano, núcleo rural e solo urbanizable delimitado, asi como arredor de edificacións, vivendas illadas, urbanizacións, depósitos de lixo, parques e instalacións industriais situadas a menos de 400 metros do monte.
O incumprimento destas obrigas poderá dar lugar a adopción das medidas legais oportunas, sen prexuízo das responsabilidades que poidan derivarse, especialmente no caso de que se produzan situacións de risco ou danos.
A colaboración cidadá resulta fundamental para evitar riscos innecesarios e para proxectar unha imaxe de coidado e respecto polo noso patrimonio natural e urbano. Un concello limpo è un concello máis seguro para todos.
Ribas de Sil, a 27 de Abril de 2026
O alcalde de Ribas de Sil
Roberto Castro González
