Loli Rodríguez Rodríguez (Torbeo) publica su primera novela "OS NOMES DE VAL".-
"...ten moito de Torbeo"
Envío gratuito
Secretos, mentiras, a loita pola supervivencia, o afán de superación, o rancor, a esperanza e o amor como elemento de redención. Todo isto e máis forma parte das vidas dos Piñeiro Castro, desde os devanceiros ata a nena “de ollos riscados e pelo negro cortado á altura da caluga”.
Neste calidoscopio humano (Manuela, Sebastián, Ama Martela, Mateo, Isaura…) hai personaxes que tratan de abrollar desde a derrota; outros que, para protexerse, se agochan detrás dunha casca de dureza. Algúns fan da debilidade fortaleza ou levan a bondade por bandeira. Están tamén os que se buscan, teimudos, e se atopan no amor dunha muller.
E está ela, Val, que procura desentrañar o misterio da súa orixe e dos seus trazos diferentes, aínda que para iso teña que sufrir e afastarse dos que máis ama."
