Diario de Agosto, 7 e 8
![](https://blogger.googleusercontent.com/img/b/R29vZ2xl/AVvXsEj5mJE2HOdFH04ZBxMtqUCrJo7k2NanGOWdVdI7uYBA3gITx67ndEEkooungoEzNDH4I6-PrE-hdWonfqTgrfqcWnUEm3icGL8pRfnWXvDV-LQdNLmQ3kc8O-DyJdnkAzqkuqmz/s320/06082009_004.jpg)
![](https://blogger.googleusercontent.com/img/b/R29vZ2xl/AVvXsEggCiuI5QNgkGj25pNPAaP3mzGC4M0_DdKQ_lD0HDwKoWu0P7Bxjr361SdFUk60d6Y71WMc9ifEYmg0QQLUIyKtU2mfLpqRpQVIraEdLhqQ-_Ull04ZExkrhbyoLg-1uiUq43qN/s320/06082009_001.jpg)
As noites e as mañás frescas, case frias, polas tardes temos sol. Desde onte estan de festas en Quiroga e na visita ao matadoiro municipal para pesar o terneiro que vendeu Neli, 231 k de de boa “rubia galega”, puidemos ver as tenreiras que estes dias imos comer na zona; quince e outras tantos cordeiros e cabritos. Hai que coidarse!. Pepe ten o seu particular censo de vacas na parroquia e son poucas mais de sesenta, aproximadamente a metade súas. Algun dia houbo centos.
Volvemos a ver algun cogomelo e aínda que a nós nos pareceu estraño din que ocorre, de cando en vez pero tamen en agosto algúns anos poden collerse e comerse estes deliciosos fungos.
Lemos unha historia na prensa que é difícil de crer; o crego que vende a casa reitoral por sesenta mil euros e agora esta a venda por seiscentos oitenta mil despois da súa reforma. Os veciños de Covelo poñen o berro no ceo; ¡pero se é nosa, se se fixo e conservou co noso diñeiro e esforzo!. Sen comentarios.
O trafico pola nosa estrada aumenta por horas, e xa son varias partidas de cartas nas cantinas, isto anímase e mañá vén Kike.